Foto: Ilustrim
Që nga dje, buka bazë prej 700 gramësh është shtrenjtuar për 5 centë, duke arritur çmimin prej 85 centësh.
Shoqata njofton se kjo rritje është e pashmangshme dhe pasqyron rritjen e ndjeshme të kostove të prodhimit, përfshirë lëndët e para dhe shpenzimet për fuqinë punëtore.
Hasan Ramoviq, përfaqësues i Shoqatës, tha se çmimet e drithërave, vajit, sheqerit, ambalazhit dhe karburantit janë rritur mbi 20 për qind, ndërsa paga minimale është rritur nga 450 në 600 euro.
Ai theksoi se nga çmimi i ri, pjekësve u mbetet vetëm 69 centë, që mjafton vetëm për mbulimin e kostove, pa fitim.
Ndërkaq, qytetarët shprehin shqetësim për ndikimin që kjo rritje do të ketë në buxhetet familjare, duke vënë në dukje se çmimet e ushqimeve dhe shërbimeve janë përgjithësisht në rritje.
Ata paralajmëruan se pritet që edhe çmimet e produkteve të tjera të bazuara në bukë të rriten për rreth 10 për qind.
