Foto: Qeveria e Malit të Zi / Vlada Crne Gore
Kryeministri i Malit të Zi, Millojko Spajiq, deklaroi se një rrugë e suksesshme drejt Bashkimit Evropian kërkon fokus, vendosmëri dhe një ritëm më të intensifikuar zhvillimi në të gjitha fushat gjatë 10 muajve të ardhshëm.
Ai theksoi se sundimi i ligjit dhe kriteret përfundimtare në kapitujt 23 dhe 24 mbeten kyçe për procesin e integrimit.
Spajiq njoftoi në rrjetin X se ai dhe ministrja e Çështjeve Evropiane, Maida Gorçeviq, kanë diskutuar me drejtorin e përgjithshëm për zgjerimin në Komisionin Evropian, Gert Jan Kopman, për rezultatet e arritura deri tani dhe hapat e ardhshëm në negociatat për anëtarësim.
Ai shtoi se e ardhmja evropiane e Malit të Zi sigurohet përmes vendimeve serioze dhe një administrate efikase.
