Rreth 400 pacientë sëmuren nga kanceri i gjirit çdo vit në Mal të Zi dhe kjo sëmundje është shkaku më i shpeshtë i vdekjes në popullatën femërore, u njoftua në një ligjëratë në Parlamentin e Malit të Zi me rastin e Tetorit Rozë – muajit të luftës kundër kancerit të gjirit.
Drejtoresha e Institutit të Onkologjisë, Sanja Lekiq, tha se në nivel global, dy deri në tre milionë raste të kancerit të gjirit zbulohen çdo vit, se meshkujt sëmuren në 1 për qind të rasteve dhe se gjysmë milioni gra vdesin nga kjo sëmundje çdo vit.
Ajo tha se sipas statistikave, një në tetë gra do të sëmuret nga kanceri i gjirit.
“Nga të gjitha gratë që trajtohen për ndonjë lloj kanceri, një në katër gra ka kancer gjiri, një në gjashtë me kancer gjiri vdes nga ajo sëmundje. Ato shifra na kujtojnë të punojmë në parandalim”, tha Lekiq.
Duke folur për faktorët e rrezikut, Lekiq tha se ka nga ata që mund të ndikohen – dieta, pirja e duhanit, përdorimi i alkoolit, aktiviteti fizik, mos ushqyerja me gji, moslindja.
“Shpesh e kemi pasur si faktor risku që infertiliteti të llogaritet si faktor risku. Sot jemi dëshmitarë që kufiri i moshës është ulur edhe më shumë, fakti që gruaja nuk ka lindur nuk është faktor rreziku, se kemi edhe gra shtatzëna të cilat e kanë fituar këtë sëmundje”, tha Lekiq.
Lekiq tha se është e nevojshme të investohet në fushatat e ndërgjegjësimit të publikut.
Ajo tha se ekzaminimi për gratë pa simptoma duhet të fillojë në moshën 25 vjeçare. Drejtoresha e Institutit të Onkologjisë shtoi se për gratë me histori familjare pozitive, ekzaminimi parandalues duhet të fillojë dhjetë vjet nga mosha e pacientit në momentin e diagnostikimit.
