Juventusi dhe Interi takohen sot (e mërkurë) në finalen e Kupës së Italisë dhe megjithëse bardhezinjtë kanë një skuadër më të vlefshme, Nerazzurrët mund të llogarisin në lojtarë më me përvojë.
Të dy skuadrat takohen në Stadio Olimpico në Romë sonte dhe ndërsa Juventus do të përpiqet ta mbyllë sezonin me të paktën një trofe në duart e tyre, kampionët në fuqi të Serie A do të kërkojnë trofeun e dytë këtë sezon.
Interi është i pamposhtur kundër Juventusit këtë sezon dhe mund të fitojë tre ndeshje radhazi kundër Bianconerëve për herë të parë që nga sezoni 1929/30.Lexo po ashtu:Juventus – Inter: Statistika, analizë, formacionet e mundshme dhe parashikim i finales së Kupës së Italisë
Mediumi Tuttomercatoweb analizoi dy skuadrat duke theksuar se Bianconerët kanë skuadër pak më të vlefshme, pasi vlejnë 555 milionë euro kundrejt 529 milionë eurove të Interit.
Vlera mesatare e lojtarëve të Bianconerëve është 22 milionë euro, 1 milion euro më shumë se ajo e Interit (duke marrë parasysh 25 lojtarë për ekip).Lexo po ashtu:Takimi i parë pas 57 vitesh në finale, Juventusi dhe Interi janë përballur vetëm dy herë për trofeun
Pagat vjetore bruto të bardhezinjve janë rreth 170 milionë euro, ndërsa Nerazzurrët shpenzojnë 140 milionë euro për të paguar pagat e lojtarëve të tyre.
Massimiliano Allegri ka një skuadër më të re (mesatarisht 27 vjeç) se Inzaghi (rreth 30 vjeç) dhe Nerazurrët gjithashtu kanë më shumë lojtarë të huaj se Zonja e Vjetër: 17 (68%) me 14 (56%). /Telegrafi/
