Ditët e ardhshme janë një mundësi për të afirmuar vlerat universale të krishtera që kanë dhënë kuptimin jetës njerëzore nëpër shekuj, tha Presidenti i Malit të Zi Millo Gjukanoviq në urimin e tij për festën më të madhe të krishterë – festën e Pashkëve.
Gjukanoviq uroi festën e Pashkëve Arqipeshkvit të Tivarit, Imzot Rrok Gjonlleshaj, të gjithë klerikëve dhe besimtarëve të fesë katolike në Mal të Zi, me urimet më të përzemërta për shëndet të mirë dhe prosperitet, lumturi personale dhe familjare.
“Ditët e ardhshme që vijnë, të cilat i mirëpresim, po përballen me një nga sfidat më të mëdha bashkëkohore të njerëzimit, dhe kjo është një mundësi për të afirmuar vlerat universale të krishtera që kanë dhënë kuptimin e jetës njerëzore në epokë, duke forcuar frymën e njerëzve dhe duke inkurajuar gatishmërinë e të gjithëve për të kontribuar në ruajtjen e shëndetit të tyre dhe të familjeve të tyre, dhe të gjithë shoqërisë,” thuhet në urim.
Gjukanoviq tha se kjo është një mundësi për solidaritet dhe respekt të ndërsjellë, të cilat janë pjesë e pandashme e multietnicitetit dhe multikonfesionalitetit për të cilin Mali i Zi njihet, si një rrugë e pashmangshme në gjetjen e një zgjidhjeje dhe për problemin aktual me të cilin po përballet shoqëria.
“Komuniteti katolik në Mal të Zi ka një vend dhe rol të veçantë në këtë, si dhe në zhvillimin dhe përparimin e tij të përgjithshëm bashkëkohor, i cili inkurajohet edhe nga lidhjet e forta tradicionale midis Malit të Zi dhe Selisë së Shenjtë”, thuhet në urim.
