Foto: Ilustrim
Elektroekonomia e Malit të Zi njoftoi se fatura mesatare për energjinë elektrike për familjet në shkurt ishte 43,25 euro, duke përjashtuar objektet që nuk janë të banuara vazhdimisht.
Banorët e Zhablakut shënuan konsum më të ulët, me një mesatare prej 21,94 euro, ndërsa më i larti ishte në Tivat, me 54,94 euro.
Rreth 56,73% e familjeve do të marrin faturë deri në 30 euro, 14,66% midis 30 dhe 50 eurove, 18,5% midis 50 dhe 100 eurove, ndërsa 10,1% e familjeve kanë shpenzime mbi 100 euro.
Gjatë muajit shkurt, familjet e Malit të Zi konsumuan 151,6 milion kilovat-orë energji elektrike, që është 17,56% më pak se në janar, por 2,83% më shumë krahasuar me shkurtin e vitit të kaluar.
