Zëvendëskryeministri dhe ministri i Zhvillimit, Nik Gjeloshaj, ka takuar ambasadorin e Republikës së Turqisë në Mal të Zi, Barish Kalkavan.
Ambasadori Kalkavan e përgëzoi për detyrën e re zëvendëskryeministrin dhe ministrin e Zhvillimit Ekonomik z. Gjeloshaj dhe i uroi fat në realizimin e projekteve zhvillimore.
Zëvendëskryeministri Gjeloshaj e njohu ambasadorin me synimet, nismat dhe programin zhvillimor të Malit të Zi, gjë që u shfaq edhe në prezantimin e kryeministrit, duke e promovuar Malin e Zi si destinacionin më të mirë të investimeve.
Gjeloshaj theksoi se Mali i Zi dhe Turqia, përmes marrëdhënieve të shkëlqyera dypalëshe, kanë hapësirë për bashkëpunim më të fortë në fushën e turizmit, kulturës, investimeve, ekonomisë, inovacionit e shumë të tjera.
„Me bashkëpunimin ekonomik dhe tërheqjen e investimeve të mundshme nga shteti ynë mik, Turqia, Mali i Zi mund të forcojë pozicionin e tij në skenën ndërkombëtare dhe të veprojë për të ngritur standardin e jetesës së të gjithë qytetarëve. Me projekte të mëdha infrastrukturore dhe investime kapitale të qëlluara, vendi ynë mund të arrijë standardet më të larta evropiane dhe të bëhet model për të gjithë rajonin,“ theksoi Gjeloshaj.
Bashkëbiseduesit diskutuan për tema me interes të përbashkët në fushën e investimeve, shkëmbimit të përvojave dhe bashkëpunimit të ndërsjellë në projekte zhvillimore.
