Veprimtari i hershëm në SHBA, Ekrem Bardha, Konsull nderi i Shqipërisë në Miçigan, nëpërmjet një letre zyrtare i ka kërkuar ndihmë Senatorit demokrat të Michiganit, Gary Peters, që SHBA, të ndihmojnë Shqipërinë, dhe Kosovën me vaksina kundra koronavirusit. Biznesmeni shqiptaro-amerikan në letrën që i ka drejtuar mikut të shqiptarve në Washington, bashkëkryesuesit të “Albanian Caucas” në Capitol Hill, i drejtohet Senatorit Peters, në emër të afro 1 milion shqiptarve në SHBA. “Ne shqiptaro-amerikanët kërkojmë ndihmën tuaj. A është e mundur nga ana juaj të ndihmoni me vaksina Shqipërinë dhe Kosovën. Do ju ishim shumë mirënjohës nëse ju do të ndihmoni shqiptarët në këtë periudhë pandemie”, shkruan ndër të tjera Bardha në letër.
