Milani raportohet se ka rikthyer bisedimet me Chelsean për anësorin e listuar për transferim, Hakim Ziyech.
Anësori 29-vjeçar maroken me sa duket nuk është më pjesë e planeve të Thomas Tuchel dhe klubi po punon për të gjetur një klub të ri për lojtarin këtë verë.
Kontratë me Chelsean deri në vitin 2025, Ziyech rrallëherë ka treguar shenja të magjisë që tregoi gjatë kohës së tij me Ajax.
Lexo po ashtu:LIVE: Afati kalimtar veror 2022
Siç raporton The Telegraph, Milani ka zhvilluar një raund të ri bisedimesh me klubin londinez për lojtarin, duke eksploruar një marrëveshje të mundshme huazimi. Progres i rëndësishëm nuk pritet deri më vonë në afatin kalimtar, me të dy klubet që për momentin fokusohen në prioritete të tjera.
Ziyech duket se është i interesuar për lëvizjen dhe ka të ngjarë të jetë i përshtatshëm për skuadrën e Stefano Piolit. Sezonin e kaluar, ai shënoi tetë gola dhe dha gjashtë asistime në 44 paraqitje në të gjitha garat.
Opsionet aktuale të Milanit në krahun e djathtë përfshijnë Alexis Saelemaekers dhe Junior Messias, asnjëri prej të cilëve nuk është i zëvendësueshëm në 11-shen e fillimit. /Telegrafi/
