Siç raporton RTMZ, partitë opozitare në Mal të Zi, që nga dje janë vënë në lëvizje dhe janë duke intensifikuar komunikimet e veta për gjetjen e një kandidatit të përbashkët presidencial.
Siç mëson RTMZ, liderët e Lëvizjes Qytetare Ura dhe Partisë Socialiste Popullore, Dritan Abazoviq dhe Vlladimir Jokoviq, kanë biseduar mbrëmë me liderët e Frontit Demokratik. Për detajet e këtyre bisedimeve pritet që të informojnë sot edhe pjesën tjetër të opozitë së ashtuquajtur qytetare.
Siç duket deri me tani Bashkimin e opozitës aktualisht po e rrëzon PSD, pasi që ata kanë deklaruar se nuk do të mbështesin kandidatin e Frontit Demokratik për president.
Në biseda, siç është kumtuar, nuk marrin pjesë përfaqësuesit e demokratëve, por ata mbeten pro qëndrimit te vet se do të mbështesin kandidatin e përbashkët të pjesës tjetër të opozitës.
Zgjedhjet presidenciale në Mal të Zi, do të mbahen më 15 prill.
