Komisionari Evropian për Zgjerim Johannes Hahn do tu drejtohet nesër anëtarëve të Komisionit për Integrim Evropian dhe atyre për Marrëdhënie Ndërkombëtare dhe Emigrantë në Parlamentin e MZ.
Siç kumtohet nga Parlamenti i MZ, në takim janë ftuar të gjithë përfaqësuesit e klubeve të partive parlamentare, ministrat e Punëve të Jashtme dhe Çështjeve Evropiane në Qeverinë e Malit të Zi, Srgjan Darmanoviq dhe Aleksandar Andrija Pejoviq, si dhe përfaqësuesit e organizatave relevante joqeveritare.
Siç kumtuan më parë në këtë takim nuk do të marrin pjesë përfaqësuesit e Demokratëve, Lëvizjes Qytetare Ura dhe Partisë Social Demokratike.
Han, do të përcjellë mesazhe nga Strategjia e Zgjerimit të Ballkanit Perëndimor, të paraqitur dy ditë më parë në seancën plenare të Parlamentit Evropian në Strasburg.
Nga Parlamenti kujtojnë se Kryetari i Kuvendit të MZ, Ivan Brajoviq, ndodhet në Shtetet e Bashkuara të Amerikës, në Mëngjesin e Lutjeve , ku do të ketë një sërë takimesh dypalëshe me senatorët dhe kongresmenët amerikan.
