Mali i Zi u bë një demokraci elektorale pas zgjedhjeve të vitit 2020 që sollën në pushtet një koalicion opozitar dhe i dhanë fund tre dekadave të qeverisjes nga Partia Demokratike e Socialistëve (PDS).
Zgjedhjet e vitit 2020 u mbajtën mes skandalit të korrupsionit të “aferës së zarfeve”, i cili zbuloi kaseta dhe dokumente që implikonin anëtarë të qeverisë në ryshfet. Kështu thuhet në raportin vjetor për demokracinë të publikuar sot nga instituti suedez V-Dem.
Siç theksojnë në dokument, trajektorja e Malit të Zi ishte disi e “çrregulluar” në periudhën 2021/2022, për shkak të gjoja shkeljeve të Kushtetutës nga presidenti dhe konflikteve për përgjegjësi.
Megjithatë, raporti i institutit suedez thotë se zgjedhjet e vitit 2023 ishin kryesisht të lira dhe të ndershme dhe Mali i Zi është ende një demokraci elektorale që nga viti 2023, thonë ata.
Nga 179 vende sipas indeksit të demokracisë liberale, instituti suedez V-Dem e vendosi Malin e Zi në vendin e 67-të, me një indeks prej 47.
Kur bëhet fjalë për vendet e rajonit, Serbia është në prapavijë, dhe përpara këtij vendi janë Bosnja dhe Hercegovina (0.35), Maqedonia e Veriut (0.36), Shqipëria (0.4), Kosova (0.49) dhe Kroacia (0.64).
Raporti thekson gjithashtu se kombi afrikan jugor i Lesotos dhe Mali i Zi janë demokratizuar, pavarësisht niveleve të larta të dezinformatave që vijnë nga burime të huaja dhe vendase.
