Nënkryetari i Kuvendit të Malit të Zi, Nikollë Camaj, ka pritur mbrëmë në aeroportin e Podgoricës kryetarin e Parlamentit të Finlandës, Jussi Halla-aho, i cili do të jetë në vizitën e tij të parë zyrtare në Mal të Zi deri më 8 tetor 2024, me ftesë të kryetarit të Parlamentit të Malit të Zi Andrija Mandiq.
Nënkryetari Camaj tha se kjo vizitë ishte historike dhe shfrytëzoi rastin për të falënderuar Finlandën për mbështetjen e fuqishme për anëtarësimin e Malit të Zi në NATO, si dhe mbështetjen e Finlandës për integrimin e Malit të Zi në BE.
Kryetari i Parlamentit të Finlandës, Jussi Halla-aho, u shpreh i kënaqur që kjo vizitë do të nisë timonin e bashkëpunimit edhe më të mirë dypalësh ndërmjet Finlandës dhe Malit të Zi.
Dy vendet, siç theksoi ai, tradicionalisht kanë marrëdhënie të mira, duke shtuar se ka potencial të madh për përmirësimin e tyre.
Nënkryetari Camaj e njoftoi kryetarin e Kuvendit të Finlandës për progresin e arritur nga Parlamenti i Malit të Zi në periudhën paraprake dhe përmendi miratimin e një sërë ligjesh të BE-së si dhe zgjedhjen dhe kompletimin e gjyqësorit, i cili, siç tha Camaj, rezultoi me marrjen e IBAR-it.
Ai theksoi se të tria degët e qeverisë në Mal të Zi kanë të njëjtin prioritet: zhvillimin e demokracisë, sundimin e ligjit, luftën kundër krimit të organizuar dhe korrupsionit, në mënyrë që kapitujt e mbetur të udhërrëfyesit drejt BE-së të mbyllen sa më shpejt të jetë e mundshme.
