Zjarret janë aktivizuar sërish në Qipro, teksa temperaturat e larta vijojnë të jenë prezente.
Në ndihmë të vendit kanë ardhur zjarrfikës nga Greqia dhe Jordania, ndërsa flakët vijojnë të djegin qindra hektarë tokë. Qeveria e Qipros ka kërkuar ndihmë nga vendet e tjera për përballimin e situatës.
Zjarri fillimisht u vu nën kontroll gjatë natës, por tashmë sërish situata është vështirësuar më shumë. Ekipet e zjarrfikësve po qëndrojnë në vendngjarje për të përballuar përhapjen dhe çdo shpërthim të mundshëm në atë zonë.
Në situatë të vështirë është edhe Portugali, ku janë shkrumbuar mijëra hektarë tokë dhe u plagosën 11 persona. Temperaturat ishin mbi 40 gradë Celsius kanë vështirësuar situatën. Tymi dhe hiri nga zjarri është përhapur në vendet përreth.
Autoritetet paralajmëruan se rreziku i zjarreve mbetet jashtëzakonisht i lartë në të gjithë vendin, ndërsa më shumë se 400 zjarrfikës ndodhen në terren.
Në Spanjën fqinje, gjendja gjithashtu mbetet e vështirë, teksa gjendja është jashtë kontrollit. Mijëra hektarë vijojnë të digjen prej ditësh, duke rrezikuar edhe banesat aty pranë.
Më shumë se 50 zjarre po shpërthejnë në ishullin mesdhetar të Sardenjës, me erëra të forta që po përhapin flakët dhe komplikojnë përpjekjet për të mbajtur zjarrin nën kontroll.
Si pasojë, siç raportojnë mediat e huaja, rreth 600 njerëz u evakuuan nga qytetet dhe qytezat në bregun lindor të ishullit, duke përfshirë banorët e Posada ku një zjarr filloi të dielën.
Turistëve që qëndrojnë në vendet e kampingut, resortet luksoze, hotelet dhe restorantet aty pranë u është kërkuar gjithashtu të largohen.
