Përfaqësuesi i koalicionit të Aleancës Shqiptare, Genci Nimanbegu, ka vlerësuar pas konsultimeve me presidentin e Malit të Zi, Jakov Millatoviq se mandatar duhet të jetë Mlilojko Spajiq, sepse i përket subjektit politik që ka marrë më së shumti vota në zgjedhjet e 11 qershorit.
Ai tha se qeveria duhet të jetë programore, pra nëse zgjedhësit e saj nuk kanë synime të ngjashme, ajo do të jetë sërish e pambrojtur, si ajo e mëparshme.
“Për ne në koalicionin shqiptar është e rëndësishme që qeveria e ardhshme të vlerësojë specifikat tona dhe të punojë në veprime afatgjata që do të kontribuojnë në zhvillimin tonë ashtu si të gjitha komunitetet e tjera në Mal të Zi. I kemi përcjellë presidentit se vullneti i zgjedhjeve ka qenë që fitues të jenë Lëvizja “Evropa Tani” dhe partitë e pakicës, të gjitha të tjerat kanë pasur rezultate më të dobëta, prandaj mendojmë se mandatar duhet të jetë Spajiqi. Parimet do të përcaktohen në periudhën e ardhshme”, tha Nimanbegu.
Ai shtoi se deri më tani kanë pasur bisedime me Spajiqin, ku kanë insistuar për decentralizimin e pushtetit dhe se në këtë drejtim niveli deklarativ po kalon në veprime.
“Nëse gjejmë një gjuhë të përbashkët për këtë, atëherë do të jemi pjesëmarrës në qeverinë e Malit të Zi”, tha Nimanbegu.
Ai theksoi se po punohet shumë që Spajiqit të mos i jepet mandati dhe të mos respektohen të drejtat e popullit dhe beson se këtij grupi politik duhet t’i jepet mundësia që të bëjë ndryshime dhe të tregojë politikën që janë duke promovuar. Por kjo nuk mund të jetë në kurriz të asaj që ata përfaqësojnë dhe cilat janë parimet e tyre kombëtare.
I pyetur për pjesëmarrjen e koalicionit “Për të Ardhmen e Malit të Zi” në qeverinë e ardhshme, Nimanbegu tha se pjesëmarrja e subjekteve heterogjene në qeveri që nuk kanë pikëpamje të ngjashme do të çojë vetëm në cenueshmërinë e tij, siç ndodhi me atë të mëparshmin, i cili dështoi në pyetjen e parë, kontratën me KOS.
“Prandaj, mandatari duhet të ketë parasysh se formimi i qeverisë nuk është vetëm matematikor, por duhet të jetë programor, dhe kjo do të thotë se duhet të ketë mjaft deputetë, qofshin 41, që do të ndajnë të njëjtin program,” ka thënë Nimanbegu.
Në konsultime mori pjesë edhe kreu i Partisë Demokratike (PD) Fatmir Gjeka, parti e cila është pjesë e koalicionit Aleanca Shqiptare me Forcën dhe disa subjekte të tjera më të vogla shqiptare.
