Mënyra e vetme për të parandaluar përhapjen e koronavirusit është të qëndroni në shtëpi, dhe çdo dalje nga shtëpia mbart një rrezik, tha drejtori i Institutit të Shëndetit Publik të Malit të Zi, Dr. Boban Mugosha.
Ne respektojmë vetë-izolimin dhe atëherë mund të shpresojmë për kohë më të mira, tha drejtori i Institutit të Shëndetit Publik, Boban Mugosha.
Ai rikujtoi se 241 persona janë të infektuar me koronavirusin në Mal të Zi.
Ndihmësi i drejtori ISHP, Dr. Senad Begiq, tha që në mesin e 241 të infektuarve, ka të paktën 25 grupime, ose të paktën 25 grupe të infektuara, të cilat janë të ndërlidhura dhe karakterizohen nga një zinxhir i zakonshëm i transmetimit.
“Sa i përket rasteve të tjera, hulumtimi epidemiologjik është duke vazhduar në 24, që do të thotë se 24 raste ende nuk kanë të dhëna epidemiologjike të vlefshme për të treguar burimin dhe mënyrën e infeksionit. 192 janë pjesë e këtyre 25 grupimeve”, tha Begiq.
“Kushtet e mëtutjeshme epidemiologjike do të varen nga sjellja jonë,” tha Mugosha.
Ai deklaroi se përgjegjësia jonë mund të kontribuojë në lehtësimin e bartësve tanë të kujdesit shëndetësor.
“Secila sjellje e rrezikshme mund ta kthejë këtë barrë në vuajtje të gjata,” tha Mugosha.
“E vetmja mënyrë për të parandaluar përhapjen e epidemisë është të qëndroni në shtëpi. Çdo largim nga shtëpia mbart një rrezik,” theksoi Mugosha.
“Unë ju lutem që të ketë një kuptim të thellë të apeleve tona. Ne gjithashtu ua dërgojmë këtë thirrje nënave që i lëjojnë fëmijët e tyre të luajnë pa marrë parasysh që fëmija tjetër mund të ketë qenë i infektuar,” tha Mugosha.
