Kryetari i Kuvendit të MZ, Ivan Brajoviq do të kërkojë nga klubet e deputetëve të paraqesin emrat e kandidatëve për anëtarë të këshillit për reforma të mëtejshme të legjislacionit zgjedhor dhe reformave të tjera, në mënyrë që deputetët të votojnë për zgjedhjen e tyre jo më vonë se të hënën, shkruan gazeta “Pobjeda”.
Megjithatë, klubet e deputetëve, ende nuk kanë vendosur se kë do të propozojnë, por po negociojnë për këtë.
Siç i është thënë jo zyrtarisht gazetës “Pobjeda”, Partia Socialiste Popullor -Demos do të kandidojë Miodrag Lekiq, për anëtar në këtë këshill. Klubi i veçantë i deputetëve, i përbërë nga Aleksandar Damjanoviq, Goran Daniloviq dhe Goran Radonjiq, nuk do të marrin pjesë në punën e këshillit të ardhshëm.
Damjanoviq, Radonjiq dhe Daniloviq, abstenuan kur u votua për vendimin e formimit të këshillit.
Nga Partia Demokratike e Socialistëve, Fronti Demokratik dhe Partia Social Demokratike kanë kumtuar se do të vendosnin për anëtarët e këshillit në ditët në vijim.
Klubet e deputetëve në ditët në vijim gjithashtu duhet të bien dakord se sa secili klub do të kenë anëtarë në këshill.
Në vendimi, e miratuar të mërkurë, parashikohet që pushteti dhe opozita të kenë nga 7 anëtarë.
