Foto: predsjednik.me
Presidenti i Malit të Zi, Jakov Millatoviq, theksoi se mendimi i Komisionit Evropian për Marrëveshjen me Emiratet e Bashkuara Arabe (UAE) konfirmon shqetësimet e tij për përputhshmërinë e marrëveshjes me legjislacionin e BE-së.
Ai shpjegoi se përmbajtja e Marrëveshjes së kontestuar nuk është plotësisht në përputhje me normat e BE-së, veçanërisht përsa i përket përjashtimit të investimeve nga procedurat e prokurimeve publike.
Millatoviq theksoi se ky përjashtim mund të çojë në shkeljen e rregullave të BE-së për konkurrencën dhe transparencën, duke kërkuar që Qeveria të rishikojë dhe përmirësojë marrëveshjen në përputhje me legjislacionin evropian.
Ai e cilësoi këtë si një mundësi për të siguruar një marrëveshje të qëndrueshme dhe të ligjshme që nuk do të dëmtojë reputacionin e Malit të Zi në arenën ndërkombëtare.
