Foto: Telegrafi
Sipas mendimit të Komisionit Evropian, marrëveshja për bashkëpunim në turizëm dhe zhvillimin e pasurive të paluajtshme, nuk përmban dispozita të mjaftueshme të detajuara që do të ishin në kundërshtim me ligjin e BE-së.
Komisioni Evropian ka analizuar Marrëveshjen për bashkëpunim në turizëm dhe zhvillimin e pasurive të paluajtshme ndërmjet Malit të Zi dhe Emirateve të Bashkuara Arabe (UAE) dhe ka konstatuar se, në parim, ajo nuk përmban dispozita që janë në kundërshtim të drejtpërdrejtë me ligjin e BE-së.
Megjithatë, disa dispozita mund të kenë nevojë për implementim të kujdesshëm, veçanërisht lidhur me parimet e prokurimeve publike që janë pjesë e legjislacionit të BE-së.
Një problem mund të jetë përjashtimi i kontratave dhe marrëveshjeve me investitorët nga EBA nga ligjet për prokurimet publike të dy shteteve, duke mundësuar në këtë mënyrë shpërndarjen direkte të kontratave, që mund të shkelë rregullat e BE-së.
Po ashtu, Komisioni thekson se marrëveshja nuk është në kundërshtim me Marrëveshjen e Stabilizim-Asociimit, por implementimi i saj mund të ndikojë në konkurrencën e kompanive të BE-së dhe të Malit të Zi.
Komisioni sugjeron që, për të ruajtur përputhshmërinë me të drejtat e BE-së, kjo marrëveshje duhet të implementohet me kujdes, duke respektuar parimet e transparencës, barazisë dhe mosdiskriminimit në prokurimet publike.
Komisioni do të mbështesë Malin e Zi në këtë proces për t’u siguruar që të respektohen rregullat e BE-së.
