AgroBuxheti për vitin 2023 do të jetë 66 milionë dhe është më i madhi në historinë e Malit të Zi me një rritje prej 42 për qind krahasuar me vitin paraprak, tha ministri i Bujqësisë, Pylltarisë dhe Menaxhimit të Ujërave, Vlladimir Jokoviq.
“Ky buxhet bujqësor do të sigurojë që masat e politikës bujqësore të financohen në mënyrë adekuate”, tha Jokoviq.
Në periudhën paraprake nga buxheti i shtetit janë ndarë 44,72 milionë euro, donacione mbi 11,5 milionë euro dhe kredi 9,8 milionë euro.
“Ne u kujdesëm për nevojat e fermerëve tanë dhe për të përmbushur detyrimet tona ndaj Bashkimit Evropian”, tha Jokoviq.
„Ne kemi ndarë 6.5 milionë euro për pagesa direkte në prodhimtarinë blegtorale. Kemi ulur kriterin për çmimin e bagëtisë, është ulur kriteri për dhitë dhe delet, me kusht në masën një kokë. Çmimi për lopët dhe mëshqerrat është 85 euro, për delet dhe dhitë 10 euro për kokë”, tha Jokoviq.
Çmimi i qumështit, siç tha ai, do të jenë 17 cent, që është 20 për qind më shumë se një vit më parë, ndërsa çmimet e djathit do të rriten për 25 për qind nga 8 në 10 cent.
Sa i përket prodhimit bimor, ai tha se prodhuesit do të kenë mundësi të fitojnë një shumë dukshëm më të lartë të çmimeve se në vitet e kaluara.
“Pagesat bazë janë rritur nga 250 në 270 euro për hektar. Janë futur pagesa shtesë për vendosjen e prodhimit në tokë të pashfrytëzuar më parë në shumën prej 400 euro për hektar. Kështu, çmimi për çdo hektar të ri të kultivuar do të jetë 670 euro për hektar”, tha ministri.
