Foto: Komuna e Tuzit
Kryetari i komunës së Tuzit, Lindon Gjelaj, së bashku me bashkëpunëtorët e tij ka pritur në takim ambasadorin e Austrisë në Mal të Zi, Kristijan Shtajner.
Gjatë takimit, siç thuhet në komunikatën për media, u theksua rëndësia e bashkëpunimit ndërmjet komunës së Tuzit dhe Ambasadës së Austrisë, duke vënë në pah mundësitë për bashkëpunim të mëtejshëm në fusha të ndryshme me interes të përbashkët.
„Austria është një partner i rëndësishëm për shumë vende të Ballkanit dhe si e tillë mund të ofrojë mbështetje në fusha të ndryshme,“ u shpreh Gjelaj.
Në anën tjetër, ambasadori vlerësoi përpjekjet e vetëqeverisjes lokale për zhvillimin e vendit si dhe shprehu gatishmërinë për të mbështetur iniciativa të përbashkëta në fusha të ndryshme shoqërore.
