Sipas autoriteteve shqiptare, gjatë vitit 2025 mbi 12 milionë turistë të huaj kanë vizituar Shqipërinë, duke rezultuar me një shifër rekord në krahasim me vitin 2024, transmeton Anadolu.
Ministri i Turizmit, Kulturës dhe Sportit i Shqipërisë, Blendi Gonxhja, në rrjtete sociale ka konfirmuar se me mbylljen e vitit 2025, Shqipëria thyen rekordin e një viti më parë, duke kapërcyer shifrën e 12 milionë vizitorëve me pasaportë të huaj.
“Një rezultat që konfirmon konsolidimin e vendit si një destinacion turistik gjithëvjetor, me interes të qëndrueshëm përtej sezonit veror dhe me oferta të larmishme në turizëm kulturor, natyror, kulinar, sportiv dhe jo vetëm, duke forcuar pozicionin e saj në hartën ndërkombëtare të turizmit”, ka shkruar Gonxhja.
Sipas të dhënave zyrtare, 11,7 milionë të huaj vizituan Shqipërinë gjatë vitit 2024.
Qeveria e Shqipërisë ka në fokus zhvillimin e sektorit të turizmit dhe sipas autoriteteve shqiptare “në vitin 2030 Shqipëria do të jetë kampione e Ballkanit në turizëm”.
