Foto: Shutterstock
Gjatë 24 orëve të fundit, Mali i Zi ka regjistruar reshje të dendura shiu, me sasinë më të madhe në Shavnik (149 l/m²), Cetinë (132 l/m²), Kollashin (131 l/m²) dhe Nikshiq (120 l/m²).
Sipas Institutit për Hidrometeorologji dhe Sizmiologji, ka pasur rritje të nivelit të lumenjve në pothuajse të gjitha rrjedhat, por ato nuk kanë arritur nivelet kritike.
Dita e sotme pritet të jetë kryesisht me re dhe reshje të shpërndara, me mundësi bubullime. Në jug, reshjet do të vazhdojnë deri të mërkurën, ndërsa në mesditë dhe pasdite në malet qendrore mund të ketë dëborë të përzier me shi. Në veri, reshjet do të jenë më të dobëta sot, por të mërkurën pritet dëborë dhe ngritje e ftohtësisë, me formim të shtrese dëbore deri 20–30 cm në disa zona malore.
Instituti për Hidrometeorologji dhe Sizmiologji paralajmëron se reshjet intensive mund të shkaktojnë përmbytje të vogla në lumenjtë e vegjël dhe këshillon qytetarët të jenë të kujdesshëm, sidomos në zonat e rrezikuara.
