PREJ SEZONIT TË ARDHSHEM KF „DEÇIQ“ EDHE ME EKIPIN E FEMRAVE

Foto: Fc Decic Admiral Bet 

Sot në Shkollën Fillore „Mahmut Lekiq“ në Tuz u organizua një promovim i shkëlqyeshëm i futbollit për femra.

Në prezencën e shumë vajzave që janë të apasionuara për futbollin në sallën solemne të kësaj shkolle filluan aktivitetet për themelimin e klubit të futbollit të femrave në kuadër të KF „Deçiq“ nga Tuzi.

Ky organizim u zhvillua me iniciativë të KF „Deçiq“ e në bashkëpunim me Shkollën Fillore „Mahmut Lekiq“ dhe me Federaten e Futbollit të Malit të zi.

Siç njoftojnë nga KF „Deçiq“, përveç prezantimit dhe bisedave interaktive dhe konstruktive me nxënëset, shkollës i dhuruan një donacion simbolik në formë të topave si dhe uniformave sportive.

SHARE