Gjatë epidemisë së kollit të madh, nga fillimi i nëntorit e deri më sot, në Mal të Zi janë regjistruar 248 raste, ka thënë për Radion e Malit të Zi dr. Milko Joksimoviq, epidemiolog në Institutin e Shëndetit Publik (ISHP).
Ai u shpreh i kënaqur sepse një numër i vogël i pacientëve janë ndër më të rinjtë.
“Fatmirësisht tani për tani nuk kemi një numër të madh të pacientëve në grupmoshën nën një vit, janë regjistruar gjithsej 14 pacientë. Por ndërsa epidemia vazhdon, ekziston rreziku që me rritjen e numrit të rasteve të rritet edhe numri i rasteve në grupmoshën nën një vjeç, e cila është veçanërisht e ndjeshme, pra në të cilat rreziku i zhvillimit të formave të rënda të sëmundja është veçanërisht e theksuar”, tha Joksimoviq.
Rastet e kollit të madh janë aktualisht më të lartat në Podgoricë, Danillovgrad dhe Cetinë.
Joksimoviq thekson se masa më e rëndësishme e mbrojtjes nga pertusis është vaksinimi në kohë dhe i plotë i fëmijëve, mbi të gjitha vaksinimi i foshnjave më të vogla.
