Hyrja e Kroacisë në zonën Shengen do të sjellë disa ndryshime kur bëhet fjalë për vendbanimin e qytetarëve të Malit të Zi, Serbisë dhe Bosnje-Hercegovinës. Kodi i Kufijve të Shengen-it përcakton se shtetasit e vendeve të treta mund të qëndrojnë për një qëndrim afatshkurtër, nëse plotësojnë të gjitha kushtet e përcaktuara, për maksimum 90 ditë. Ambasadori kroat në Mal të Zi, Veselko Grubishiq, tha për TVMZ, megjithëse nuk ka hyrë ende në fuqi, do të kërkohet edhe miratimi për hyrje me qëllim të qëndrimit afatshkurtër. “Nuk mendoj se tarifa prej pesë apo gjashtë eurosh është aq e madhe, por personat që do të plotësojnë ato formularë online mund të kenë nevojë për ndihmën e të tjerëve. Shpresoj që kjo të mos shkaktojë probleme mes Malit të Zi dhe Kroacisë. Ju e dini se Republika e Kroacisë kujdeset thellë për Malin e Zi, një Mal të Zi euroatlantik, i cili do të vazhdojë rrugëtimin e tij evropian dhe do të bashkohet me ne së shpejti”, theksoi ambasadori Grubishiq.
