Foto: TV Boin
Kryetari i Komunës së Ulqinit, Genci Nimanbegu, tha se Dita e Ulqinit të shtunën nuk do të festohet me një seancë formale, por në formë proteste.
Ai përkujtoi se protesta është organizuar për shkak të mos respektimit të vendimit të Kuvendit të Komunës së Ulqinit.
„Edhe pse kjo duhet të jetë ditë festive, pas gjithë asaj që po ndodh në lidhje me gjoja investimet dhe zhvillimin e Ulqinit, ne nuk kemi dëshirë të festojmë”, tha Nimanbegu.
Siç tha ai, është koha që të ngrenë zërin dhe të protestojnë për ta mbrojtur Ulqinin nga vendimet që merren pa to.
“Këtë të shtunë ditën e Ulqinit do ta shënojmë me protestë të madhe, jo me takime të rregullta dhe aktivitete të tjera, edhe pse të gjitha i kemi përgatitur. Të gjitha partitë politike të Komunës së Ulqinit kanë vendosur që seanca e Kuvendit të Komunës të mos mbahet në format formal, por në formë proteste”, ka thënë Nimanbegu.
Ai ftoi qytetarët që të shtunën në orën 12 të vijnë në Plazhin e Vogël.
„Ne duam t’i tregojmë Qeverisë se nëse nuk duan të dëgjojnë zërin e 33 deputetëve të Kuvendit, se janë mijëra qytetarë për të dërguar mesazhe. Ne jemi për investime dhe zhvillim, por që ai të jetë i qëndrueshëm dhe i bazuar në planet tona dhe jo në planet e të tjerëve”, tha Nimanbegu.
Ai theksoi se duan që Ulqini të ruajë identitetin dhe rëndësinë e tij, që Kriporja të jetë habitati kryesor i shpendëve në Evropë, që ullishtat të jenë zona më e gjelbër dhe më e bukur në Mesdhe.
