Një term shpesh vjen në mendje kur flasim për humbje peshe: metabolizmi. Është motori i padukshëm që ju jep energji dhe përcakton se sa me efikasitet trupi djeg kalori dhe largon yndyrën.
Megjithatë, si e dini nëse metabolizmi juaj po funksionon mirë? Sipas hulumtimeve, numri i të rriturve amerikanë që janë metabolikisht të shëndetshëm është jashtëzakonisht i ulët, edhe në mesin e njerëzve me peshë normale.
Përderisa metabolizmi i të gjithëve është unik, lajmi i mirë është se ka mënyra për të rritur metabolizmin dhe për ta humbur yndyrën në mënyrë natyrale, pa pasur nevojë për dieta ekstreme ose ushtrime tepër të forta.
Kujdesuni për marrjen e proteinave
Proteina është blloku ndërtues që trupi juaj ka nevojë për rikuperim dhe rritje. Hulumtimet tregojnë se përfshirja e proteinave pa yndyrë si bishtajoret, fasulet, frutat arrore, farat, mishi i pulës dhe peshku në dietën tuaj, mund ta rritë metabolizmin sepse ato kërkojnë më shumë energji për t’u tretur.
Proteina është makronutrienti më i ngopshëm. Gjithashtu ndihmon në ruajtjen dhe ndërtimin e muskujve, duke mbështetur një metabolizëm të shëndetshëm dhe optimal.
Ndërtoni muskuj
Muskujt janë si një furrë për djegien e kalorive. Sipas klinikës Mayo, sa më shumë muskuj të keni, aq më shumë kalori digjni – edhe kur jeni duke pushuar. Ushtrimet me rezistencë, si ngritja e peshave ose kalistenika ndihmojnë në ndërtimin dhe ruajtjen e masës muskulore, duke mbajtur metabolizmin tuaj të ndezur.
Ngritja e peshave dhe stërvitja e rezistencës do të bëjnë më shumë për trupin dhe metabolizmin tuaj sesa çdo opsion që shihni se shitet në internet për zgjidhje të shpejtë.
Qëndroni të hidratuar
Hidratimi i mirë ndihmon organizmin t’i përpunojë kaloritë në mënyrë më efikase, madje edhe dehidrimi i lehtë mund të ngadalësojë metabolizmin tuaj.
Uji është thelbësor për procese të ndryshme metabolike, duke përfshirë ndarjen e ushqimit dhe transportimin e lëndëve ushqyese në të gjithë trupin. Edhe dehidrimi i lehtë mund të ndërhyjë në këto procese dhe ta ngadalësojë metabolizmin, duke e bërë potencialisht më të vështirë djegien e kalorive në mënyrë efikase. Synoni për të paktën tetë deri në 10 gota ujë në ditë për ta mbështetur metabolizmin tuaj.
Menaxhoni stresin
Një studim i vitit 2017 zbuloi se stresi kronik mund të shkaktojë lirimin e hormoneve që çojnë në shtim të peshës. Teknika të tilla, si meditimi, joga ose ushtrimet e frymëmarrjes së thellë mund të ndihmojnë në uljen e stresit dhe mbështetjen e shëndetit metabolik.
Kur jeni të stresuar, kjo çon në nivele më të larta të kortizolit, gjë që mund t’ju bëjë të dëshironi të hani ushqime më të shijshme. Këto janë ushqime me përmbajtje të lartë të natriumit, yndyrave dhe karbohidrateve. /Telegrafi/
