Mësimi në shkollat në Mal të Zi ka filluar sot, ndërsa do të përfundojë më 13 qershor të vitit të ardhshëm.
Ministria e Arsimit, Shkencës dhe Inovacionit njoftoi më herët se kalendari shkollor për këtë vit do të publikohet pas fillimit të vitit shkollor, për shkak të kthimit në Parlament për rivotim të ndryshimeve në Ligjin e Përgjithshëm për Arsim.
Ndryshimet në Ligjin e Përgjithshëm për Arsim parashikojnë që viti shkollor në të ardhmen do të ndahet në dy periudha klasifikimi, në vend të katër periudhave të mëparshme.
Motivi kryesor për të futur sërish dy periudha klasifikimi, si model tashmë aktual në sistemin arsimor malazez, ishte se, sipas shpjegimit të propozuesit, mësimdhënësit ishin të stërmbushur me çështje administrative.
Nxënësit e disa institucioneve arsimore, për shkak të rikonstruksioneve apo përshtatjeve të vazhdueshme, do ta ndjekin mësimin në ambientet e shkollave të tjera.
Ministria e Arsimit, Shkencës dhe Inovacionit tha se dërgimi i teksteve falas në të gjitha shkollat në Mal të Zi ka përfunduar.
