Foto: Reuters
Deputeti Dejan Gjuroviq në Komisionin Parlamentar të Bashkimit Evropian dhe Malit të Zi për Stabilizim dhe Asociim, i cili mbahet në Parlamentin Evropian në Strasburg, tha se përkundër të gjitha sfidave, në periudhën e kaluar, Mali i Zi arriti një përparim historik në negociatat me BE-në.
“Me krenari të theksoj faktin se falë punës së përkushtuar në forcimin e kuadrit legjislativ dhe zbatimit të suksesshëm të reformave, vendi ynë ka hyrë në fazën finale të negociatave të anëtarësimit”, tha ai.
Siç tha Gjuroviq, pas shtatë vitesh stagnimi, në fund të vitit të kaluar, në Konferencën Ndërqeveritare të dhjetorit, më në fund u mbyllën tre kapituj të rëndësishëm të negociatave.
„Këto suksese konkrete janë një dëshmi e qartë e vendosmërisë sonë të palëkundur për ta futur Malin e Zi në fazën përfundimtare të procesit të integrimit. Me mbështetjen e fortë të partnerëve tanë evropianë dhe dëshirën e qartë të qytetarëve të Malit të Zi, ne kemi një qëllim shumë ambicioz, por realist – që deri në vitin 2028, Mali i Zi të bëhet anëtari i ardhshëm i Bashkimit Evropian”, tha Gjuroviq.
Siç tha ai, në përputhje me këtë synim, Mali i Zi ka përcaktuar saktësisht prioritetet për periudhën e ardhshme.
