Ministrja Jelena Boroviniq Bojoviq lëshoi një urdhër për të gjitha qendrat shëndetësore në Malin e Zi për të vaksinuar njerëzit mbi moshën 65 vjeç çdo ditë, përfshirë të Dielën, pa termin paraprak, nga ora 8 e mëngjesit deri në 8 pasdite. “Ministria e Shëndetësisë e Malit të Zi fton të gjithë shtetasit mbi moshën 65 vjeç të vaksinohen kundër koronavirusit pa caktim paraprak, pavarësisht nëse ata janë regjistruar deri më tani apo janë ende duke pritur për një ftesë,” thuhet në deklaratë. Qytetarët që jetojnë në Podgoricë mund të vaksinohen në pikën e kontrollit në Qëndren Sportive “Moraça” ose në pikën e kontrollit në Qendrën e Muzikës. Në qytete të tjera, vaksinimi do të kryhet në pikat ekzistuese të kontrollit. “Qytetarët duhet të sjellin vetëm kartë shëndetësore”, theksuan nga Ministria.
