Ndryshimet politike që ndodhin në Mal të Zi konsolidojnë më tej demokracinë dhe ekzistencën e një vullneti të fortë politik që vendi të përparojë më shpejt në rrugën evropiane, tha presidenti i Malit të Zi Jakov Millatoviq.
Shërbimi Informativ Presidencial njoftoi se sot Millatoviq përfundoi vizitën e tij të parë zyrtare në Bashkimin Evropian (BE) me takime me Presidenten e Komisionit Evropian, Ursula von der Leyen dhe kryetarin e Këshillit Evropian, Charles Michel.
Millatoviq u ka përcjellë bashkëbiseduesve mesazhin e përkushtimit të fuqishëm të Malit të Zi për të përfunduar me vendosmëri reformat në fushën e sundimit të ligjit dhe për të marrë standardet përfundimtare, në mënyrë që të bëhet anëtari i ardhshëm i plotë i BE në pesë vitet e ardhshme.
Në këtë mënyrë, siç u tha, Mali i Zi do të tregonte se zgjerimi i BE-së është ende i mundshëm dhe i prekshëm.
“Unë u takova me Presidentin e Malit të Zi dhe me atë rast e përgëzova për marrjen e detyrës. Populli i Malit të Zi dëshiron të përparojë në procesin e anëtarësimit në BE, kështu që është thelbësore që ne të vazhdojmë zbatimin e reformave,” shkroi Von der Leyen në Twitter.
Ajo shtoi se do ti mbështesin në çdo hap.
“Sapo takova presidentin e ri të Malit të Zi, Jakov Millatoviq. Udhëheqësia juaj është çelësi për zbatimin e reformave dhe BE-ja është me ju në rrugën tuaj,” shkroi Michel në Twitter.
Ai tha se Mali i Zi ka një të ardhme “të ndritshme dhe të begatë” në BE.
