Foto: Qeveria e Malit të Zi / Vlada Crne Gore
Qeveria e Malit të Zi, me propozim të Ministrisë së Bujqësisë, Pylltarisë dhe Menaxhimit të Ujërave, miratoi në seancë Rregulloren për kushtet, mënyrën dhe dinamikën e zbatimit të masave të politikës bujqësore për vitin 2025 – Agrobuxhetin.
Mjetet e siguruara nga Buxheti i Bujqësisë janë ndarë në vlerë të përgjithshme prej 77,063,945,35€, përkatësisht: Ministrisë dhe Drejtorisë për Siguri Ushqimore, Çështje Veterinare dhe Fitosanitare në Buxhetin e Malit të Zi për vitin 2025 në vlerë të përgjithshme prej 56,541,305,35€, nga donacionet në vlerë 11,022,640,00€ dhe nga kreditë në vlerë 9,500,000,00€.
Mjetet e parashikuara në Agrobuxhet i janë ndarë Ministrisë së Bujqësisë, Pylltarisë dhe Menaxhimit të Ujërave dhe Drejtorisë për Siguri Ushqimore, Çështje Veterinare dhe Fitosanitare në Buxhetin e Malit të Zi për vitin 2025, konkretisht për zhvillimin e bujqësisë, zhvillimit rural, peshkimit, zbatimin e masave të sigurisë ushqimore, zbatimin e masave për mbrojtjen e shëndetit të kafshëve dhe zbatimin e masave fitosanitare në përputhje me ligjin.
Miratimi i Agrobuxhetit siguron zbatimin e masave të politikës agrare me qëllim të zbatimit të zhvillimit të vazhdueshëm të sektorëve të bujqësisë, zhvillimit rural dhe peshkimit në Mal të Zi, si dhe për të mundësuar përdorimin e fondeve buxhetore të alokuara për qëllimin e zbatimit të masave të politikës agrare.
Qëllimi i zbatimit të masave të politikës bujqësore është të ofrohet mbështetje për prodhuesit bujqësorë, gjegjësisht ferma bujqësore (persona fizikë dhe juridikë) për të siguruar kushte sa më të mira ekonomike, e cila ndikon pozitivisht në rritjen ekonomike të produktit social malazez dhe një standard më të lartë të popullsisë që jeton dhe punon në zonat rurale.
