Foto: Ars Medica
Qytetarët e Malit të Zi, të cilët kishin të drejtën e kujdesit dentar pa pagesë, nga sot nuk e kanë këtë shërbim, pasi negociatat me Fondin e Sigurimit Shëndetësor nuk dhanë rezultat, thanë nga Oda Stomatologjike.
Ushtruese e detyrës së kryetares së Odës Stomatologjike, Jellena Bulajiq, tha në një konferencë për media se kjo vlen për fëmijët, studentët, gratë shtatzëna, nënat në punë, pensionistët dhe personat me aftësi të kufizuara.
“Nga sot falë Fondit nuk kanë shërbim dentar falas”, tha Bulajiq.
Ajo tha se Fondi, megjithë njoftimet për një marrëdhënie të ndershme me klinikat private dentare, u ka ofruar “kontrata të reja-të vjetra poshtëruese”.
„Praktikisht kjo do të thotë që ne nuk mund ta bëjmë më grevë, sepse nuk kemi më as kontrata me Fondin. Për qytetarët, kjo do të thotë që shërbimet që mund t’i merrnin falas, nga sot mund t’i marrin me çmimet e vlefshme të ordinancave dentare”, tha Bulajiq.
Ajo tha se me kontratën e ofruar për stomatologët, Fondi dhe shteti kanë treguar shkallën më të lartë të pakujdesisë për shëndetin dentar të qytetarëve.
