Foto: Reuters
Komiteti Parlamentar i Bashkimit Evropian dhe Malit të Zi për Stabilizim dhe Asociim do të mbajë mbledhjen e 23-të më 2 dhe 3 prill 2025, në Parlamentin Evropian në Strasburg.
Takimi do të drejtohet nga shefi i delegacionit të Parlamentit të Malit të Zi në Komitetin Parlamentar të Bashkimit Evropian dhe Malit të Zi për Stabilizim dhe Asociim, Dejan Gjuroviq dhe shefi i delegacionit të Parlamentit Evropian, Tomas Weitz.
Gjatë punës dyditore, deputetët do të diskutojnë për gjendjen aktuale të negociatave për anëtarësim, gjatë së cilës do të shkëmbejnë mendime me përfaqësues të Qeverisë së Malit të Zi, presidencës polake të Këshillit të BE-së, Komisionit Evropian dhe Shërbimit Evropian për Çështje të Jashtme.
Takimi do të jetë një mundësi për deputetët që të diskutojnë Agjendën e Reformës së Malit të Zi, me fokus reformën e shtetit ligjor dhe proceset zgjedhore, sigurinë dhe bashkëpunimin në Mesdhe dhe turizmin e qëndrueshëm si shtytës i ekonomisë.
