Ministria e Arsimit dhe Instituti i Shëndetit Publik (ISHP) nënshkruan një memorandum bashkëpunimi, i cili do të forcojë më tej qasjen multisektoriale në përmirësimin e standardeve, praktikave dhe zakoneve në lidhje me kushtet sanitare dhe higjienike në institucionet arsimore në Mal të Zi.
Ministria e Arsimit njoftoi se memorandumi është nënshkruar në kuadër të shënimit të 5 majit, Ditës Botërore të Duarve të Pastra, me sloganin “Të përshpejtojmë së bashku aktivitetet – të përmirësojmë furnizimin me ujë dhe kushtet sanitare dhe higjienike në institucionet arsimore në Mal të Zi”.
Siç thanë ata, nënshkruesit e memorandumit u pajtuan që të punojnë në forcimin e një mjedisi të shëndetshëm shkollor përmes vendosjes së bashkëpunimit afatgjatë shkencor, profesional dhe afarist.
Ministria tha se një mjedis i shëndetshëm shkollor është një parakusht i domosdoshëm për ruajtjen dhe përmirësimin e shëndetit dhe mirëqenies së nxënësve, mësimdhënësve dhe komunitetit më të gjerë.
